IBF камари учун саралаш жангида Деревянченко ғалаба қозонди

Оқшомнинг қизиқарли жангларидан бири ўрта вазн тоифасида ўтказилиб, унда боксчилар IBF чемпионлик камарига даъвогар бўлиш учун рингга кўтарилишди. 

Ўн икки раундга мўлжалланган жангда украиналик 33 ёшли Сергей Деревянченко тенгдоши, биринчи ўрта вазнда собиқ жаҳон чемпиони Жек Кулкайга қарши рингга чиқди. Якунда ҳакамлар 116:112, 116:112, 115:113 ҳисобидаги ғалабани Деревянченкога тақдим этишди. 

Ушбу ғалаба украиналик боксчини ўрта вазнда IBF чемпионлик камари учун расмий даъвогарга айлантирди. Ҳозирча ушбу камар америкалик Даниэль Жейкобснинг қўлида. У 4 май куни бирлаштирувчи чемпионлик жангида икки йўналиш чемпиони мексикалик Сауль Альварес синовидан ўтади.