Инфантино жазманининг лавозимини оширишда ва унга товон пули тўланишда айбланмоқда

Бу ҳақда "The Telegraph" нашри хабар бермоқда.

Манба маълумотига кўра, аёл ташкилотнинг административ аппаратида ишлаган. Муносабатлар бошланганидан сўнг у раҳбарлик лавозимига кўтарилган ва бу унинг иш ҳақини 30 фоизга ошириб, 160 минг швейцария франкига етказган. УЕФАнинг собиқ раҳбари Мишель Платини Инфантинонинг ходим билан эҳтимолий алоқаси атрофидаги вазиятдан норозилик билдирган. Натижада унинг ассоциациядаги фаолиятини тугатиш ва товон пули тўлаш бўйича қарор қабул қилинган. ФИФАнинг амалдаги президентининг собиқ ҳамкасблари бу сумма "камида ортиқча олти хонали" бўлганини таъкидлашмоқда.

Бундан ташқари, ташкилот аёлнинг йилига 45 минг фунт стерлинг турадиган MBA дастури бўйича ўқишини тўлаб берган. УЕФА транзакция фактини тасдиқлади ва ушбу ходимнинг Инфантино билан романи ҳақидаги миш-мишлардан хабардор эканини билдирди. Федерацияда замонавий нуфузли тузилма стандартларига мос келиши учун ички регламентлар "қатьийлаштирилгани" таъкидланди.

Жанни Инфантино 2000 йилнинг августидан УЕФАда меҳнат қилган. Бош котиблик лавозимини у 2009 йилдан 2016 йилгача эгаллаган. 2016 йилнинг февралида у Халқаро футбол федерацияси президенти этиб сайланган эди.