Инсайдер: Арман Царукян ва Чарльз Оливейра жанг учун шартнома имзолашди

шбу қизиқарли жанг 19 сентябрь куни UFC 331 турнири доирасида бўлиб ўтади. Ҳар икки томон ўзаро жанг учун шартнома имзолаган. Бу ҳақда журналист ва инсайдер Манук Акопян ўз манбаларига таяниб хабар берди.

Жанг ҳақидаги расмий эълон UFC`нинг яқин кунлардаги трансляцияларидан бирида эълон қилиниши кутилмоқда.

Эслатиб ўтамиз, 2024 йилнинг апрель ойида UFC 300 турнирида Царукян ҳакамларнинг қарори билан Оливейрани мағлуб этганди. Шундан сўнг Арман октагонга атиги бир марта (ўтган йилнинг ноябрида Ден Хукер устидан қозонилган ғалаба) чиққан бўлса, Оливейра тўртта жанг ўтказишга улгурди. У ушбу жангларнинг учтасида ғалаба қозонди (чемпионлик жангида Илия Топуриядан учралган ягона мағлубиятдан ташқари) ва рамзий BMF камарини қўлга киритди. Катта эҳтимол билан, 19 сентябрь кунги реванш жангида айнан шу камар ўртага тикилади.