15 дек 13:23
Янгиликлар

Бокс/ММА

Иқболжон Холдоров чорак финал жангида рингга кўтарилди

Хабар берганимиздек, шу кунларда Самарқанд шаҳрида бокс бўйича катталар ўртасидаги Ўзбекистон чемпионати бўлиб ўтмоқда.

Бундан бир неча дақиқа аввал -69 кг вазн тоифасида чемпионлик учун курашаётган жаҳон чемпионатининг кумуш медали совриндори Иқболжон Холдоров чорак финал жангида рингга чиқди.

Бухоролик Саиджамшид Жаъфаровга қарши жанг ўтказган Холдоров рақибини 4:1 ҳисобида мағлуб этиб, Ўзбекистон чемпионатининг ярим финалига йўл олди.

Эслатиб ўтамиз, бироз аввал Рио Олимпиадаси чемпиони Ҳасанбой Дўсматов ҳам чорак финал жангини ўтказган ва бухоролик Мироншоҳ Ибрагимовдан 5:0 ҳисобида устун келганди.