“Ислом бирдамлик ўйинлари”. Бугун 3 боксчимиз ярим финал чиптаси учун рингга чиқади

Бугун мусобақанинг бокс баҳсларида 3 нафар чарм қўлқоп устамиз рингга кўтарилади. Жумладан, -52 кг вазн тоифасида юртимиз шарафини ҳимоя қилаётган Аброржон Қодиров чорак финалда озарбайжонлик Маъсуд Юсуфзода билан ҳисоб-китоб қилади.

-64 кг вазндаги Алиёр Норалиев яна бир озар боксчиси Элвин Исаев билан муносабатларига ойдинлик киритиб олади. -75 кг вазн тоифасидаги боксчимиз Маҳмуд Ғоипов эса қозоғистонлик Турсинбай Кулахметга қарши жанг ўтказади.

“Ислом бирдамлик ўйинлари”нинг бокс мусобақаси Олимпия шаҳарчасидан 37,3 км узоқликда жойлашган Crystal Hall (CH2) аренасида бўлиб ўтмоқда.