09 авг 15:10
Янгиликлар
Теннис
Исмоилов Минскдаги иштирокини ғалаба билан бошлади, Саидаъло ютқазди
Беларусь пойтахти Минск шаҳрида теннис бўйича соврин жамғармаси 10 минг АҚШ долларини ташкил қилувчи “Фьючерс” турнири давом этмоқда.
Мусобақада учинчи рақам остида таснифланган ҳамюртимиз Темур Исмоилов яккаликдаги иштирокини ғалаба билан бошлади. У илк босқичда туркиялик Муҳаммад Хайлазга қарши кортга чиқди.
Бир соату 21 дақиқа давом этган баҳсда терма жамоамиз аъзоси 6:4, 6:3 ҳисобида зафар қучди. Асосий тўрга саралаш баҳслари орқали етиб келган яна бир ҳамюртимиз Саидаъло Саидкаримов эса ҳозиргина турнирнинг иккинчи ракеткаси россиялик Маркос Каловелонисга 59 дақиқа давом этган баҳсдан сўнг 3:6, 1:6 ҳисобида ўйинни бой берди.
Ҳавола :
Манба : olamsport.com
Фикрлар