15 дек 07:30
Янгиликлар
Теннис
Исмоиловнинг Таиланддаги кутилмаган мағлубияти
Таиланднинг Бангкок шаҳрида теннис бўйича “Фьючерс” туркумига кирувчи турнирнинг асосий тўр баҳслари бўлиб ўтмоқда.
Соврин жамғармаси 10 000 АҚШ долларидан иборат бўлган мазкур турнирда ҳамюртимиз Темур Исмоилов ҳам ўз имкониятини синовдан ўтказаётганди.
Афсуски, мусобақанинг иккинчи ракеткаси сифатида ҳаракат қилган Темур иккинчи даврада мағлубият аламини тотиб кўрди. Ўзбекистон терма жамоаси аъзоси саралаш баҳсларидан асосий тўрга йўл олган кореялик Ким Жаэ Хванга 5:7, 6:7(2) ҳисобида имкониятни бой берди.
Маълумот учун, Исмоилов илк даврада ҳиндистонлик Санжив Шанмугамга қарши кортга чиқиб, 6:2, 6:3 ҳисобида зафар қучган эди.
Ҳавола :
Манба : olamsport.com
Фикрлар