15 авг 14:53
Янгиликлар
Бокс/ММА
Исроил Мадримов: "Осиё ўйинларида умуман бошқа Мадримовни кўрасиз"
Бир неча кундан сўнг старт оладиган Осиё ўйинларида иштирок этувчи спортчиларимизнинг фикрларини эътиборингизга тақдим этамиз.
Исроил Мадримов (бокс, терма жамоамиз байроқдори):
"Тўрт йил олдин Инчеонда ўтказилган Осиё ўйинларида финалгача етиб бориб, якунда кумуш медали соҳиби бўлганман. Жанубий Кореядаги мусобақа финалида кейинчалик Олимпиада чемпиони бўлган Данияр Елеусиновга мағлуб бўлгандим. Бу сафар Данияр мусобақада йўқ, лекин унинг ўрнига бошқа бир қозоғистонлик боксчи бор, шунингдек, вазнимда филиппинлик рақиб ҳам кучли ҳисобланади. Ўшанда мен энди-энди катта боксга қадам қўяётгандим. Ҳозиргидек тажриба тўрт йил олдин бўлмаган. Жакартадаги Осиё ўйинларида сиз умуман бошқа Исроил Мадримовни кўрасиз. У ўзига, ўз кучига ишонади. Умид қиламанки, Осиё ўйинларида шоҳсупанинг энг юқори поғонасидан ўрин олиб, юртдошларимизни хурсанд қиламан", - деди Мадримов.
Ҳавола :
Манба : olamsport.com
Фикрлар