22 май 18:56
Янгиликлар

Теннис

Истомин Лион турнирининг илк даврасида кортга чиқди

Мамлакатимизнинг биринчи рақамли теннисчиси Денис Истомин Франциянинг Лион шаҳрида давом этаётган турнирдаги иштирокини бошлади.

Ҳамюртимизнинг биринчи даврадаги рақиби австралиялик Танаси Коккинакис бўлди. Бир соату 10 дақиқа давом этган баҳсда Истомин рақибини 6:3, 6:4 ҳисобида мағлуб этди.

Таққослаш учун, Истомин дунё рейтингида 81-ўринни эгаллаб турибди. Австралиялик 21 ёшли теннисчи эса бир неча ой мобайнида жароҳати сабаб турнирларда қатнаша олмади. Шу сабабли ҳам, унинг ҳозирча рейтингдаги ўрни йўқ.