Жаҳон чемпионатида ярим финалчилар маълум бўлди

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Ушбу жаҳон чемпионатида юртимиз шарафини ҳимоя қилган вакиламиз, аёллар ўртасида халқаро гроссмейстер Гулруҳбегим Тоҳиржонова ярим финал остонасида амалдаги жаҳон чемпиони томонидан тўхтатилди. 

Гарчи у чорак финал босқичида икки ўйин натижасига кўра амалдаги жаҳон чемпиони хитойлик Цзюй Вэньцзюнга имкониятни бой берган бўлса-да, Гулруҳбегимнинг жаҳон чемпионатидаги иштироки муваффақиятли чиқди. У рейтингда ўзидан юқорида турган уч рақибни мағлуб этди. Қора доналарда ўйнашига қарамай дурангга эришди. 

Афсуски, тажриба муҳим паллада ўз сўзини айтди. Саксон биринчи юришдан сўнг гроссмейстеримиз ўз мағлубиятини тан олди. Шу пайтгача ўзбекистонлик аёл шахматчилардан ҳеч бири жаҳон чемпионатининг ярим финал остонасига қадар етиб келмаган эди. 

Чорак финал натижалари: 

Цзюй Вэньцзюнь - Гулруҳбегим Тоҳиржонова - 1,5:0,5

Катерина Лагно - Лэй Тинцзе - 2:0

Мария Музичук - Жансая Абдумалик (Қозоғистон) - 4,5:3,5 (тай-брек ўйналган)

Александра Костенюк - Анна Музичук - 2,5:1,5 (тай-брек ўйналган) 

Ярим финал жуфтликлари: 

Александра Костенюк – Цзюй Вэньцзюнь

Мария Музичук - Катерина Лагно