12 май 14:39
Янгиликлар
Шахмат
Жаҳон тожи учун матч. Бугундан дербидаги кураш Чунцинга кўчди
Хитойда шахмат бўйича аёллар ўртасида Жаҳон тожи учун учрашув бўлиб ўтмоқда.
Унда хитойлик икки шахмат маликаси - амалдаги жаҳон чемпиони Тань Чжуньи (2522) ҳамда даъвогарлар ўртасидаги нокаут-турнири ғолибаси Цзюй Вэнцзюнь (2571) ўзаро дона суряпти. Ҳар икки халқаро гроссмейстер ҳам 1991 йилда таваллуд топган.
Матч 10 партиядан иборат бўлиб, томонларнинг бири 5,5 очко жамғаргунига қадар давом этади. Очколар тенг бўлиб қолган тақдирда ҳал қилувчи тай-брейкка мурожаат қилинади. Бугундан баҳслар Тань Чжуньининг она ватани ҳисобланган Чунцинда давом эттирилади.
Ҳозирча Вэнцзюнь амалдаги чемпионни 3,5:1,5 ҳисобида мағлубиятга учратмоқда. Бугун икки кунлик дам олишдан сўнг 6-партия учрашуви ўтказилади. Ҳозирча сўнггиси бўлиб турган бешинчи партияда Цзюй Вэнцзюнь қора доналарда ўйнашига қарамай ғалаба қозонган эди.
Ҳавола :
Фикрлар