07 май 08:02
Янгиликлар
Шахмат
Жаҳон тожи учун матч. Вэнцзюнь яна ғалаба қозонди
Хитойнинг Шанхай шаҳрида аёллар ўртасида Жаҳон тожи учун учрашув бўлиб ўтмоқда.
Унда хитойлик икки шахмат маликаси - амалдаги жаҳон чемпиони Тань Чжуньи (2522) ҳамда даъвогарлар ўртасидаги нокаут-турнири ғолибаси Цзюй Вэнцзюнь (2571) ўзаро дона суришяпти. Ҳар икки халқаро гроссмейстер ҳам 1991 йилда таваллуд топган.
Матч 10 партиядан иборат бўлиб, томонларнинг бири 5,5 очко жамғаргунига қадар давом этади. Очколар тенг бўлиб қолган ҳолатда ҳал қилувчи тай-брейкка мурожаат қилинади. Кеча ўтказилган учинчи партияда Цзюй Вэнцзюнь яна ғалаба қозонди.
Биринчи партияда дуранг қайд этилган эди. Иккинчи партияда эса қора доналарда ўйнаган Цзюй ғалаба қозонди. Кечаги учинчи турда Вэнцзюнь оқ доналарда ҳаракат қилиб, яна зафар қучди ва 2,5:0,5 ҳисобида олдинга чиқиб олди.
Ҳавола :
Фикрлар