Жаҳонда тенгсиз бўлган ёш шахматчиларимиз тантанали кутиб олинди + ФОТО

Хабарингиз бор, Грециянинг Родос шаҳрида ёшлар ўртасидаги Жаҳон чемпионатида рапид ва блитс йўналишларида Умида Омонова 2та олтин ва Ҳумоюн Бекмуратов эса 2та кумуш медални қўлга киритишди. Яна бир шахматчимиз Алмас Раҳматуллаевга мусобақада бироз омад етишмади. У кучли бешликдан жой олди.

Ёш ва умидли шахматчиларимизни Ислом Каримов номидаги Тошкент халқаро аэропортида Ўзбекистон Республикаси спортни ривожлантириш вазирининг маслаҳатчиси Авазжон Каримов, Ёшлар ишлари агентлиги директорининг ўринбосари Жамшид Ходжаев, Ўзбекистон шахмат федерацияси масъуллари, спортчиларнинг ота-оналари ҳамда ОАВ вакиллари тантанали равишда кутиб олишди.

Шахматчиларимизга эришган ютуқлари учун эсталик совғалари тақдим этилди. 

Маълумот учун, Грециядан қайтган шахматчиларимиз бугундан Георгий Агзамов хотирасига бағишлаб ўтказилаётган «Ташкент Опен-2022» ХВ халқаро турнирининг 2-туридан баҳсларга киришади.