Жалолиддин Машарипов: "Пахтакор"ни ОЧЛга олиб чиқмоқчиман"

- Чемпионликни маълум вақт эсдан чиқардик. Чемпионликни нишонлашга берилиб кетмаслигимиз керак. Бизни жуда муҳим баҳс кутмоқда. Финалга қаттиқ тайёргарлик кўрилмоқда. Йилнинг энг зўр ўйинини финалда кўрсатмоқчимиз. Финал аҳамият жиҳатдан анча юқори қийматга эга. Чунки "Бунёдкор"га финал ОЧЛ йўлланмаси учун ҳам муҳимлигини оширади. Биз ОЧЛ йўлланмасини нақд қилган бўлсакда, ўз музейимизни яна бир соврин билан тўлдирмоқчимиз. Финалда барча футбол мухлисларига ажойиб футбол спекталини намойиш этиб бермоқчимиз.

"Пахтакор"даги дўстларим ғалабани сўрашдими? Ҳа, албатта. Ўзим ҳам бу ҳақда ўйладим. Барибир "Пахтакор"да катта бўлганман. "Локомотив" билан финалда ғалаба қозониб, "Пахтакор"ни ОЧЛга олиб чиқиш ниятим бор. Бир ўқ билан иккита қўённи урмоқчиман: "Локомотив" билан кубокни оламан ва "Пахтакор"га ушбу ғалаба орқали ОЧЛга чиқишига ёрдам бераман.

Миржалол Қосимов "Бунёдкор"га келганидан кейин жамоа анча кучайди. Қосимов жамоага ғолиблик руҳини қайтарганини қайд этиш мумкин. Айни пайтда "Бунёдкор" кучсиз жамоага ютқазиб қўйиши мумкин, лекин исталган рақибни ютиб қўйиши ҳам мумкин, - деди Машарипов.