14 авг 11:29
Янгиликлар

Бокс/ММА

Жанжалкаш Бриггс Тайсоннинг жангига келмоқчи

Супероғир вазн тоифасида жанжалкашлиги билан ном қозонган америкалик боксчи Шеннон Бриггс Тайсон Фьюри иштирокидаги жангга келиш истагини билдирди.

Британиялик боксчи 18 август куни Шимолий Ирландия пойтахти Белфаст шаҳридаги Windsor Park стадионида италиялик 33 ёшли Франческо Пианета (35-4-1, 21 КО)га қарши рингга кўтарилади. Бир пайтлар ҳамюртимиз Руслан Чагаевга ютқазган Пианетта собиқ Европа чемпиони ҳисобланади.

“Менга Фьюри ёқмайди. Ваъда бераманки, уни нокаутга учратаман. Сўнгги пайтларда у жуда кўп гапиряпти. Агар уни кўриб қолсам, бармоқларини синдираман. Шунда Тайсон Твиттерда ортиқ мақтана олмайди”, - деган Бриггс.

Эслатиб ўтамиз, деярли уч йиллик танаффусдан сўнг катта боксга қайтган Тайсон Фьюри ўтган ойда албаниялик Сефер Сеферини муддатидан аввал мағлубиятга учратган эди. Пианета эса хорватиялик 22 ёшли Петар Миласга (12-0, 9 КО) имкониятни бой берганди.