"Жавоҳир мен билан ҳазиллашди". Бибисара нуфузли турнирдаги илк ғалабаси ҳақида гапирди

"Ниҳоят, ушбу турнирдаги биринчи партиямда ғалаба қозондим. Чунки баъзи партияларимда қандай ўйнаганимга қараб, бу умуман амалга ошмайдигандек туюлаётганди. Кеча эса Жавоҳир мен билан ҳазиллашиб: “Балким, ғалабаларимдан бирини сенга бериб қўяйми? Менда улар жуда кўп”, деди. Аммо, ўйлайманки, энди ўз ғалабам бор ва жамоамиз билан бирга матчда ғалаба қозонганимиздан жуда хурсандман», дейди қозоғистонлик шахматчи.

Турнирнинг 8-тур учрашувида Бибисара Асаубаева аёллар тахтасида россиялик Полина Шуваловани 3:0 ҳисобида ишончли тарзда мағлуб этди ва биринчи даврадаги мағлубияти учун реванш олди.

Унинг FYERS American Gambits жамоаси Ganges Grandmasters устидан 13:5 ҳисобида йирик ғалабага эришди. Бибисара Ассаубаева эса учрашувнинг энг яхши ўйинчиси сифатида индивидуал мукофот билан тақдирланди.