ЖЧ-2018. Боливиядан 4 очко олиб ташланди, Аргентина 6-ўринга пастлади

Гап шундаки, КОНМЕБОЛ минтақаси жамоаси ҳисобланган Боливияга ФИФА томонидан жарима санкцияси қўйилди. Унга кўра, бу терма жамоадан 4 очко олиб ташланди.

Уларнинг Перу устидан қозонган (2:0) ғалабаси ҳамда Чили билан дуранг (0:0) қайд этган ўйинидаги очколар бекор қилиниши баробарида, техник мағлубият ҳам ёзилди.

Бунинг натижасида Хуан Антонио Пицци бошчилигидаги Чили терма жамоаси турнир жадвалида 5-ўринга кўтарилиб олди. Аргентина терма жамоаси эса аксинча 6-поғонага пастлади.

Бу минтақадан 4та терма жамоага тўғридан-тўғри ЖЧ-2018 йўлланмаси тақдим этилади. Бешинчи жамоа плей-офф ўйинларида иштирок этади. Турнир жадвалида 21 очко жамғарган Бразилия терма жамоаси пешқадамлик қиляпти. Кучли тўртталикдан Уругвай, Эквадор ва Парагвай терма жамоалари жой олган.