01 сен 08:40
Янгиликлар
Футбол
ЖЧ–2018 саралаши. Бугун Ўзбекистон – Сурия учрашуви
Бугун Ўзбекистон миллий терма жамоаси ЖЧ-2018 саралаш учинчи босқич доирасидаги учрашувда Сурияни қабул қилади.
“Бунёдкор” стадионида соат 20:00 да бошланадиган Ўзбекистон – Сурия учрашуви олдидан кеча жамоалар расмий машғулотда иштирок этишди. Терма жамоамиз Сурия билан бир марта – 1996 йилги Осиё Кубоги гуруҳ босқичида учрашган. Ўшанда сурияликлар 2:1 ҳисобида зафар қучишганди.
Таққослаш учун, Ўзбекистон миллий терма жамоаси айни пайтда ФИФА рейтингида 55-поғонадан жой эгаллаб турибди. Сурия эса 105-ўринни банд этган.
Ўзбекистон – Сурия ўйинига бош ҳакам сифатида ФИФА рефериси Сато Рюжи тайинланган. Унга қанотларда ҳамюртлари Тору Сагара ҳамда Хироши Ямаучи ёрдам беради. Тўртинчи ҳакам вазифаси Хироюки Кимурага юклатилди. Ҳакамлар назоратчиси этиб бахрайнлик Абдулраҳмон Алделавар тайинланган бўлса, комиссар сифатида малайзиялик Ни Сен Тоҳ ишлайди.
Ҳавола :
Манба : olamsport.com
Фикрлар