01 мар 07:58
Янгиликлар

Бокс/ММА

Жейкобс Головкин - "Канело" жангларида ким ғалаба қозонганини айтди

Профессионал бокснинг ўрта вазн тоифасида IBF йўналиши чемпиони Дэниэл Жейкобс FightHub TV каналига интервью берди.

Америкалик жаҳон чемпиони ўз интервьюсида қозоғистонлик Геннадий Головкин ҳамда мексикалик Сауль Альварес ўртасида ўтказилган жангларга ҳам тўхталиб ўтди.

"Тўғрисини айтсам, бу икки боксчи ўртасидаги иккала жангда ҳам Головкин ғалаба қозонган эди. Ҳа, иккинчи жанг яқин масофада ўтказилди. Лекин барибир камида дуранг бўлиши керак эди. Бир сўз билан айтганда Головкин иккала жангда ҳам "Канело"ни мағлуб этди", - деди Жейкобс.

Эслатиб ўтамиз, Головкин ва "Канело" ўртасидаги илк жанг 2017 йилнинг сентябрь ойида ўтказилган ва дуранг натижа билан якунланганди. Бир йил ўтиб эса мексикалик боксчи очколар ҳисобига кўра ғалаба қозониб, ўрта вазнда WBA Super ва WBC чемпионига айланган эди.