Жокович чемпионлик ҳимоясида муваффақиятли давом этмоқда

Жаҳоннинг учинчи ракеткаси сербиялик Новак Жокович "Уимблдон"нинг иккинчи даврасида АТР рейтингида 79-ўринни эгаллаб турган австралиялик Танаси Коккинакисни мағлуб этди - 6/1, 6/4, 6/2.

Учрашув роппа-роса 2 соат давом этди. Ушбу ғалаба орқали сербиялик теннисчи ўзаро учрашувлардаги устунликни мустаҳкамлади – 2:0.

Турнирнинг олти карра чемпиони "Уимблдон"нинг кетма-кет 23-ўйинида ғалаба қозонди. Жоковичнинг ғалабали серияси турнир тарихидаги энг узоқ бешинчи сериядир. Пит Сампрас (25 ва 31), Рожер Федерер (40) ва Бьорн Борг (41) ундан олдинда.

Жокович турнирининг учинчи босқичида ҳамюрти Миомир Кечмановичга қарши баҳс олиб боради.