Australian Open. Жокович — Алькарас финал баҳси ғолиби тўрт сетда аниқланди

Ҳозиргина мусобақанинг эркаклар ўртасидаги баҳсларида ғолиб аниқланди. Ҳал қилувчи финал учрашувида дунёнинг биринчи ракеткаси, испаниялик Карлос Алькарас тўртинчи ракетка, сербиялик тажрибали Новак Жоковичга қарши кортга чиқди. 

Уч соату тўрт дақиқа давом этган баҳсда ёшлик шижоати устун келди. Май ойида 39 ёшга тўладиган Новакнинг финалга қадар етиб келганининг ўзи катта жасорат. Биринчи сетни 2/6 ҳисобида бой берган Карлос камбэкка эриша олди - 6/2, 6/3, 7/5. Алькарас май ойида 23 ёшга тўлади.  

Карлос Алькарас учрашув давомида 9, Новак Жокович 4 та эйс зарбасини амалга оширди. Иккала теннисчи ҳам 2 тадан қўшхатога йўл қўйди. Брейклар бўйича табиийки, ғолиб теннисчи устунликка эришди - 5 га 2. Теннисчиларнинг ўзаро учрашувларидаги ҳисоб кўринишини тенглашди - 5:5. 

Испаниялик теннисчи икки ҳафталик меҳнатидан 2000 рейтинг очкоси ҳамда 2 миллион 889 минг 230 АҚШ доллари миқдорида мукофот пули ишлаб олди. Сербиялик афсона эса 1300 очко ҳамда 1 миллион 496 минг 830 долларга эга чиқди.