Гэтжи: "Оқ уйдаги турнирда Топурияни аниқ нокаут қила оламан"

"Бу ўйин қанчалик телбаликка тўла экани, қанча кутилмаган воқеалар бўлганини ҳисобга олсак, мен Оқ уй майдонида Илия Топурияни мутлақо аниқ нокаут қила оламан. Албатта, у ҳам мени нокаут қилиши мумкин, лекин буни олдиндан билиб бўлмайди. Мен имконият олишни истайман, чунки у чемпион.

Оқ уйдаги жангимиз муқаррар. Бошқа вариант йўқ. Оваль кабинетдан АҚШ байроғи билан октагонга чиқаман — бошқа ҳеч нарса ҳақида ўйлай олмайман. Ўтган йили Физиев билан жанг қилганимдан бери шу образни ўзимга сингдириб келяпман.

Агар мен уни нокаут қила олсам, бу энг яхши сценарий бўлади. Шунда мен бунинг ҳаммаси симуляция эканига ишонаман. 100%, чунки бу мутлақ телбалик бўлади", — деди Гэтжи.