10 фев 09:27
Янгиликлар

Бокс/ММА

Жон Жонс 2027 йилда оғир вазнда чемпиони бўлиши мумкин бўлган жангчини айтди

UFC собиқ чемпиони Жон Жонс ўз шогирди эркин кураш бўйича Олимпиада ғолиби бўлган ватандоши Гейбл Стивесон 2027 йилдаёқ оғир вазнда UFC чемпиони бўлиши мумкинлигига ишонч билдирди.

"Гейбл келаси йилнинг ўзидаёқ UFC камари учун курашиши мумкин. Бу йигит UFC билан шартнома имзолаган заҳоти, уни ҳеч нарса тўхтата олмайди.

У зарба бера олади, деб ўйлайман. Ҳозирча зарба техникаси — унинг заиф нуқтаси. Лекин кураш маҳорати шунчалик юқорики, гўё меъёрдан ошиб кетган. Унинг тейкдаунларини тўхтатиб бўлмайди, грaунд-энд-пaунд жуда самарали, у доим танаси қаерда эканини аниқ билади. Унда ғалаба қозониш учун керак бўлган ҳамма нарса бор.

Ҳозир бизда Гейбл билан UFC’дан ташқарида ҳам мақсадлар бор. Биз унинг UFC’га келганида ўзини кўрсатишини, ўзига бўлган ишончида ҳеч қандай шубҳа қолмаслигини хоҳлаймиз", — дея Жонснинг сўзларини келтиради MMA Mania портали.