Жокович фаолиятидаги ўттизинчи “Мастерс” совринини қўлга киритди

Сербиялик теннисчи Канаданинг Торонто шаҳрида якунланган турнирнинг ҳал қилувчи финал учрашувида япониялик Кэй Нисикоридан устун келди. Бир соату 23 дақиқа давом этган учрашувда Жокович 6:3, 7:5 ҳисобида зафар қучди.

Жокович баҳс мобайнида 5та, Кеи эса 4та эйс зарбани амалга оширди. Икки теннисчи ўртасидаги ўзаро учрашувларда энди Новак 10:2 ҳисобида олдинга чиқиб олди.

Маълумот учун, Жокович Rogers Cup турнирида тўртинчи маротаба бош мукофотни қўлга киритди. У 30та “Мастерс” турнирида зафар қучиб, ўзи томонидан ўрнатилган жаҳон рекордини янгилади.Жоковичнинг энг яқин таъқибчиси испаниялик Рафаэль Надаль ҳисобида 28та “Мастерс” титули бор.