08 янв 08:45
Янгиликлар
Жокович финалда дунёнинг биринчи ракеткасини мағлуб этди
Қатар пойтахти Доҳа шаҳри мезбонлик қилган теннис бўйича нуфузли турнир ўз якунига етди.
Соврин жамғармаси 1 237 190 АҚШ долларини ташкил қилувчи Qatar ExxonMobil Open турнири сайёрамизнинг иккинчи ракеткаси Новак Жоковичнинг ғалабаси билан якунланди.
Сербиялик теннисчи ҳал қилувчи финал учрашувида дунёнинг биринчи ракеткаси британиялик Энди Маррейга қарши кортга чиқди. Икки соату 55 дақиқа давом этган баҳсда Жокович 6:3, 5:7, 6:4 ҳисобида зафар қучди.
Доҳа шаҳридаги муваффақиятли иштирок 29 йшли Новак Жоковичга 209,665 АҚШ доллар мукофот пули ҳамда 250 рейтинг очкосини тақдим этди. Сербиялик теннисчи ўтган йили ҳам Доҳа турнирида бош мукофотни қўлга киритган эди.
Маълумот учун, Жокович ва Маррей ўртасидаги учрашувлардаги ҳисоб 24:11га етди, Новак фойдасига!
Ҳавола :
Фикрлар