Жокович сўнгги чора сифатида судга мурожаат қилди

Сербиялик теннисчи вазиятдан чиқиб кетиш илинжида, сўнгги чора сифатида судга мурожаат қилди. Лекин суд мавжуд қонунга қарши бормаса керак. Мамлакат ҳукумати коронавирусга қарши вакцина олмаган теннисчилар Австралияга киритилмаслигини қонунлаштириб қўйганди. Новак айнан шу сабаб билан Мельбурн аэропортида ушлаб турилибди.   

"Новакнинг визаси Австралия ҳукумати томонидан бекор қилинди. Уни яқин соатларда мамлакат ҳудудидан чиқариб юборилади. Бу маълумотни Australian Open турнирига бевосита алоқадор ўнлаб манбалар тасдиқлади. Айни дақиқаларда Жокович сўнгги умид илинжида судга мурожаат қилган", - дейилади хабарда.