01 июл 10:15
Янгиликлар

Теннис

Жокович ва Монфис бош мукофот масаласини ҳал қилади

Англиянинг Истбурн шаҳрида теннис бўйича ушбу ҳафтага белгиланган нуфузли турнир якунига етиб боряпти.

Дунёнинг тўртинчи ракеткаси бўлган сербиялик Новак Жокович Aegon International турнирининг ярим финалида россиялик Даниил Медведевга қарши кортга чиқди. Бир соату 22 дақиқа давом этган баҳсда Жокович дунёнинг 52-ракеткасини 6:4, 6:4 ҳисобида мағлуб этди.

Новакнинг финал учрашувидаги рақиби франциялик Гаэль Монфис бўлади. ATP рейтингида 16-ўринни эгаллаб турган Гаэль 2 соату 31 дақиқа давом этган ярим финалда ҳамюрти Ришар Гаскедан 6:2, 6:7(7), 7:6(4) ҳисобида устун келди.