26 окт 08:08
Янгиликлар

Теннис

Жўрабек Каримов Малайзия турнирида чорак финалга чиқди

Малайзия пойтахти Куала-Лумпур шаҳрида теннис бўйича соврин жамғармаси 15 000 АҚШ долларидан иборат бўлган турнир давом этмоқда.

“Фьючерс” туркумига кирувчи мусобақада иштирок этаётган ҳамюртимиз Жўрабек Каримов яккалик баҳсларида чорак финал йўлланмасини қўлга киритди. Ҳамюртимиз ҳозиргина якунига етган учрашувда канадалик Келсей Стивенсонни мағлуб этди.

Бир соату 34 дақиқа давом этган баҳсда Жўрабек 6:3, 6:1 ҳисобида устун келди. Ўтган ҳафта Малайзиядаги турнирда бош мукофотни қўлга киритган 19 ёшли Жўрабек дунё рейтингида 1029, 27 ёшли Келсей 966-ўринни эгаллаб турибди.