16 фев 14:27
Янгиликлар

Бокс/ММА

“Жошуа аввалгидек кучли эмас, айниқса зарбалари!”

Супероғир вазн тоифасида чемпионлик камари учун жанг ўтказадиган америкалик Жаррелл Миллернинг промоутери Грег Коэн 1 июнь кунига белгиланган чемпионлик жанги хусусида фикр билдирди.

Хабарингиз бор, ёз фаслининг биринчи куни WBA, IBF ва WBO йўналишлари чемпиони британиялик Энтони Жошуа АҚШда мезбон боксчи Жаррелл Миллерга қарши рингга кўтарилади.

“Жошуа ва унинг жамоаси Америка заминида ўтказиладиган дебют жанг уларга шон-шуҳрат келтиради, деб ўйлашяпти. Бу билан улар Деонтей Уайлдерга қарши кечиши кутилаётган жангга қизиқишни яна ҳам оширишни мақсад қилишган. Жошуа Миллерни осон мағлуб этаман деб ўйласа, қаттиқ янглишади. Кличкога қарши кечган жангдан кейин биз аввалги Жошуани энди кўрмаяпмиз. Унинг зарбалари ҳам аввалгидек кучли эмас”, - деди промоутер.