Жошуа билан жанг йўлида: Уайлдер DAZN билан музокара ўтказди

DAZN америкалик боксчига ҳар томонлама манфаатли шартнома таклиф қилган. Музокарада Уайлдер билан бирга Эл Хэймон, Лу Дибелла ва Шелли Финкель ҳам иштирок этган. DAZN телевизион платформаси раҳбари Жон Скиппер музокара ижобий якунланишига умид қилмоқда.  

"Биз музокара ўтказдик. Лекин бу учрашувда ҳеч қандай қарор қабул қилинмади. Ҳозир биз режаларимизни белгилаб олишимиз керак. Шундан кейин DAZN масаласида якуний қарорни эълон қиламиз", - деди Уайлдернинг менежери Шелли Финкель.

Таъкидлаш жоиз, WBA, WBO, IBF ва IBO йўналишлари чемпиони Энтони Жошуа DAZN билан шартнома имзолаган. Агар DAZN Деонтей Уайлдер билан ҳам келишувга эришса, у ҳолда икки жаҳон чемпиони ўртасидаги жангнинг ўтказилиш имкониятлари кескин ошиб кетади.