Жошуа мураббийи билан хайрлашди

Бу ҳақда Британиядаги бир нечта кўзга кўринган нашрлар хабар бермоқда. Лекин ҳали расман бу мавзудаги хабар чоп этилганича йўқ. Боксчининг ўзи ҳам бу хабарга муносабат билдирмади. Собиқ боксчи Антонио Тарвер эса аллақачон Жошуага ўз хизматларини таклиф қилиб улгурди. 

“Чемп, мен янги мураббий излаётганингни эшитдим. Агар ростан ҳам сенга жаҳон даражасидаги мураббий керак бўлса, бемалол менга мурожаат қилишинг мумкин. Менда ҳамма нарса бор: тажриба, ҳаваскор ва профессионал боксдаги кўп йиллик иштирок, ақл билан иш кўриш... Шундай экан, менга имкон бер, бундан афсусланмайсан”, - деди Тарвер.