02 ноя 08:31
Янгиликлар

Бокс/ММА

Жошуа ва Фьюри жанг юзасидан музокараларни бошлашди

Профессионал бокснинг WBA, IBF ҳамда IBO йўналишлари чемпиони британиялик Энтони Жошуа (20-0, 20 КО) ҳамюрти собиқ жаҳон чемпиони Тайсон Фьюри (25-0, 18 КО)га қарши жанг ўтказиши мумкин.

Бу маълумотни чемпион боксчининг промоутери Эдди Хирн ҳам тасдиқлади. Ҳозирда ҳар икки боксчининг жамоалари музокараларни бошлашган. Жанг катта эҳтимол билан 2018 йилнинг ёзида Лондон шаҳридаги “Уэмбли” стадионида бўлиб ўтади.

Эслатиб ўтамиз, бир муддат аввал Тайсон Фьюри 2018 йилда 3 та жанг ўтказишини эълон қилган эди. Фьюри сўнгги бор 2015 йилда рингга кўтарилган бўлиб, ўшанда у Владимир Кличкодан WBA, WBO ва IBF чемпионлик камарларини тортиб олганди.