08 сен 11:50
Янгиликлар

Бокс/ММА

Жошуанинг эксклюзив “тойчоғи”ни “уриб” кетишди

Супероғир вазн тоифасида учта йўналиш чемпиони бўлиб турган Энтони Жошуанинг эксклюзив автомобилини ўғирлаб кетишди.

Жошуа Шеффилд шаҳрида россиялик Александр Поветкинга қарши ўтказадиган чемпионлик ҳимоя жангига тайёргарлик кўраётганди. Бу пайтда Лондонда унинг 150 000 фунт стерлингга баҳоланган Лэнд Ровер машинасини ўғирлаб кетишган.

Ушбу эксклюзив автомобиль боксчининг махсус буюртмасига биноан йиғилган. Полиция воқеа юзасидан жиноий иш қўзғатган. Машинада пул ёки қимматбаҳо буюмлар бўлмаган.