04 авг 09:30
Янгиликлар
Бокс/ММА
Жошуанинг промоутери Пулев билан музокара олиб боряпти
Британиялик боксчи Энтони Жошуа ўзига тегишли IBF чемпионлик камарини мажбурий ва шу билан расмий даъвогар болгариялики Кубрат Пулевдан ҳимоя қилиши керак.
Айни пайтда Жошуанинг промоутери Эдди Хирн болгариялик боксчининг жамоаси билан музокара олиб боряпти. Аввалроқ, Энтонининг аввал Владимир Кличко билан реванш жангида рингга кўтарилиши кутилаётганди.
Лекин кеча украиналик машҳур боксчи профессионал фаолиятини якунлаганини расман эълон қилди. Бу билан ўз-ўзидан реванш жанги бекор бўлди. Энди Жошуа IBF камарини Кубрат Пулевдан ҳимоя қилади.
Маълумотларга кўра, ушбу жанг 28 октябрь ёки 11 ноябрь куни бўлиб ўтади. Жанг манзили сифатида АҚШнинг Невада штати Лас-Вегас ёхуд Уэльснинг Кардифф шаҳри қаралмоқда.
Ҳавола :
Манба : isport.ua
Фикрлар