26 янв 10:01
Янгиликлар
Жумаев Ченнайда чемпион билан бир хил очко тўплади, лекин 4-ўринни эгаллади, собиқ ҳамюртимиз эса учинчи бўлди!
Ўз тарихида ўнинчи бор ташкил этилган Chennai Open International турнирида 22 давлатдан 267 нафар шахматчи иштирок этди. Улар орасида ўзбекистонлик халқаро гроссмейстер Марат Жумаев (2434) ҳам нисбатан олганда муваффақиятли дона сурди.
Эътиборлиси, турнир ғолиби каби 10 имкониятдан 8 очко жамғарган ҳамюртимиз якунда қўшимча кўрсаткичларга кўра 4-ўрин билан кифояланди. Якунда бир йўла беш нафар иштирокчи ҳисобида 8 очкодан бор эди. Ана шу беш нафар шахматчи орасида энг яхши кўрсаткичга эга бўлган ҳиндистонлик Лахман Ченнай турнири ғолибига айланди.
Россиялик Иван Розум кумуш, собиқ ҳамюртимиз айни пайтда АҚШ шарафини ҳимоя қилаётган Тимур Гареев бронза медали билан тақдирланди. Гареев сўнгги турда 8 очкога эга бўлиб турган Розумни мағлуб этишнинг уддасидан чиқди.
Самарқандлик
гроссмейстер Марат Жумаев эса сўнгги 10-турда қора доналарда ўйнашига қарамай,
ўзи сингари 7 очкога эга бўлиб турган испаниялик Маркос Вега Ланезани таслим
этди.
Фикрлар