24 янв 13:02
Янгиликлар

Шахмат

Жумаев Ченнайдаги турнирда муваффақиятли дона суряпти

Ҳиндистоннинг Ченнай шаҳрида шахмат бўйича нуфузли халқаро мусобақа бўлиб ўтмоқда.

10th Chennai Open International Grandmaster Chess Tournament 2018 for Sakthi Group Dr. N. Mahalingam Trophy мусобақасида 22 давлатдан 267 нафар шахматчи дона суряпти. Иштирокчиларнинг 16 нафари халқаро гроссмейстер экани турнир нуфузидан дарак беради.

Швейцарца тизимда ўтказилаётган мусобақада ўзбекистонлик халқаро гроссмейстер Марат Жумаев (2434) ҳам иштирок этяпти. Ҳамюртимиз кеча ўтказилган 8-турда голландиялик халқаро гроссмейстер Сергей Тивьяков (2584)ни мағлубиятга учратди.

Бугун самарқандлик гроссмейстер 9-турда ҳиндистонлик Висахга қарши қора доналарда ўйнайди. Бугунги учрашув олдидан ҳар икки шахматчи ҳисобида 6,5тадан очко бор. Қўшимча кўрсаткичларга кўра, Висах учинчи, Жумаев тўртинчи ўринни эгаллаб турибди.