20 дек 07:55
Янгиликлар
Бокс/ММА
Канелонинг промоутери: Биз Сондерс эмас, Головкин ҳақида ўйлаяпмиз
16 декабрь куни канадалик Давид Лемьени мағлуб этганидан кейин ўрта вазн тоифасининг WBO йўналиши чемпиони Билли Жо Сондерс қолган йўналиш чемпионларини рингга чорлай бошлади.
Рўйхатнинг биринчи қаторида қозоғистонлик Геннадий Головкин жой олган. Шунингдек, собиқ жаҳон чемпиони мексикалик Сауль “Канело” Альваресга ҳам чақирув қоғози юборилди.
Лекин Golden Boy промоутерлик компанияси раҳбари Эрик Гомес мижози Сауль Альварес учун Сондерс билан жанг қизиқ эмаслиги, уларнинг асосий нишони Геннадий Головкинга қарши ўтказиладиган реванш жанги эканлигини айтди.
“Биз Сондерс ҳақида умуман ўйлаётганимиз йўқ. Асосий нишонимиз ва мақсадимиз Головкин билан реванш жангини ўтказишдир”, - Гомес LA Times нашрига берган интервьюсида.
Таъкидлаш жоиз, Головкин - Канело жанги катта эҳтимол билан 5 май куни бўлиб ўтади. Бу боксчиларнинг сентябрь ойида ўтказилган илк жангида дуранг натижа қайд этилганди.
Ҳавола :
Фикрлар