Кейлор Навас Ўзбекистонга қарши ўйнайдими?

Аниқлик киритилишича, мураббий Луис Фернандо Суарес Жанубия Корея ва Ўзбекистон терма жамоаларига қарши баҳслар учун жорий мавсум ҳали ПСЖ сафида майдонга тушмаган тажрибали посбоннинг ўйинидан яхши хабардор ва унга ишонади. Мутахассис Жаҳон чемпионати олдидан бошқа дарвозабонларни синовдан ўтказиб кўрмоқчи. Бу эса коста-рикалик мухлисларнинг ажабланишига сабаб бўлди.

"Кейлор Навасни синовдан ўтказиш шарт эмаслиги аллақачон маълум. Ўртоқлик учрашувларидан мақсад – қолган дарвозабонларни ҳам синаб кўриш", – деди Суарес.

Маълумот учун, терма жамоа йиғинига дарвозабонлардан Патрик Секейра ("Луго", Испания), Эстебан Альварадо ("Эредиано", Коста-Рика) ва Аарон Крус ("Депортиво Саприсса", Коста-Рика) чақирилган.

Коста-Риканинг Жанубий Кореяга қарши учрашуви 24 сентябрь куни, Ўзбекистон билан учрашуви эса 27 сентбярда Сувондаги Жаҳон Кубоги стадионида ўтказилиши режалаштирилган.

Эслатиб ўтамиз, Коста-Рика Қатардаги Жаҳон чемпионати "E" гуруҳида Испания, Германия ва Япония билан тўқнаш келади.