26 авг 10:45
Янгиликлар

Бокс/ММА

Ким оғирроқ? Мейвезер ва Макгрегор тарозига чиқишди

Бизнинг вақт билан эртага тонгда АҚШнинг Невада штати Лас-Вегас шаҳрида узоқ кутилган бокс жанги бўлиб ўтади.

Унда аралаш қоидалар бўйича UFC чемпиони Конор Макгрегор ҳамда енгилмас боксчи Флойд Мейвезер ўзаро бокс қоидалари асосида ўтказиладиган жангда тўқнаш келишади.

Анъанага кўра, жангдан бир кун аввал иштирокчиларни тарозидан ўтказиш маросими бўлиб ўтди. Бир неча дақиқа аввал якунланган маросимда Конорнинг оғирроқ эканлиги маълум бўлди.

Боксчилар белгиланган вазн лимити (69,9 кг)ни бажаришди. Конор Макгрегор 69,4, Флойд Мейвезер эса 67,8 кг вазн қайд этди.