25 май 08:30
Янгиликлар

Бокс/ММА

Кличко - Жошуа. Реванш жанги кузда ўтказилади

Британиялик промоутер Эдди Хирн Энтони Жошуа ҳамда Владимир Кличко ўртасидаги реванш жанги шу йилнинг кузида ўтказилишини тасдиқлади.

Хирн супероғир вазн тоифасида икки йўналиш чемпиони бўлиб турган Жошуанинг промоутери ҳисобланади.

“Ўтган ҳафта IBF ташкилотининг Конвенцияси бўлиб ўтди. Унда биз ташкилотдан Кличкога қарши реванш жанги ўтказишга рухсат беришларини сўрадик.

Биз чиндан ҳам Жошуанинг кейинги жанги Кличкога қарши ўтказилиши тарафдоримиз. Бир неча ҳафта ичида биз жанг манзили ва санаси ҳақида маълумот берамиз”, - деди Хирн.