29 июл 17:42
Янгиликлар

Бокс/ММА

Кличко яна Жошуа билан бирга рингга чиқади

Супероғир вазн тоифасида собиқ жаҳон чемпиони Владимир Кличко яна британиялик учта йўналиш чемпиони Энтони Жошуа билан бирга рингга кўтарилади.

Бу сафар украиналик фахрий боксчи WBA Super, WBO, IBF, IBO йўналишлари чемпиони бўлиб турган Жошуага россиялик Александр Поветкинга қарши кечадиган жангга тайёргарлик кўриши учун ёрдам беради.

Маълумот учун, Жошуа 22 сентябрь куни Лондондаги “Уэмбли” стадионида Александр Поветкинга қарши рингга чиқади ва чемпионлик камарларини ҳимоя қилиши керак бўлади. Кличко 2013 йили айнан Поветкинни мағлубиятга учратган эди.

Эслатиб ўтамиз, Кличко ва Жошуа 2017 йилнинг 29 апруль куни “Уэмбли”да ўзаро тўқнаш келишган ва ўша драматик кечган жангда британиялик боксчи номдор рақибини 11-раундда техник нокаут эвазига мағлуб этганди.