31 янв 13:07
Янгиликлар

Бокс/ММА

Кличконинг шифокори: Ташхисни ошкор қилишга ҳаққим йўқ!

Украиналик машҳур боксчи, Киев мэри Виталий Кличко 28 январь куни Австриядаги госпиталларнинг бирига жойлаштирилганди.

Австриялик таниқли ортопед-травматолог Роберт Зиорпаес тўнғич Кличконинг соғлиғи ҳақида маълумот берди.

“Айни пайтда Виталий Санкт-Иоганн-ин-Тиролдаги касалхонада. Очиғини айтсам, мен Кличконинг саломатлиги, унга қўйилган ташхис бўйича маълумот беришга ҳаққим йўқ. Лекин мухлисларнинг саросимага тушмасликлари учун бир нарсани айтишим мумкин: У ўзини яхши хис қиляпти. Маълум муддат кучли юкламалардан ҳоли бўлиши керак”, - деди шифокор.