Конкабаевнинг Жалолов билан жанг қилмаганига сабаб пулми?

Youtube платформасидаги "НеКАРАтэ" канали муаллифи Станислав Соколов Баҳодир Жалоловнинг "кичик жаҳон чемпионати" деб номланувчи "Странжа" халқаро турнирида рақиблари унга қарши жанг қилишдан бош тортганига муносабат билдирди.

Мусобақа давомида 3 нафар боксчи Жалоловга қарши жангларда иштирок этишдан бош тортган эди. Чорак финалда жароҳати сабаб қозоғистонлик Камшибек Конкабаев жангга чиқмаган бўлса, ярим финалда озарбайжонлик Муҳаммад Абдуллаев рингга чиқмасликка қарор қилганди. Жалоловга финалда арманистонлик Давит Чалоян рақиблик қилиши керак эди, бироқ у ҳам жангга чиқмасликни афзал билди.

"Рақиблар "Катта ўзбек" билан жанг қилишдан бош тортишади. Нега? Тушунтираман. Албатта, улар ютқазиши ва шу билан бирга, жароҳат олиши ҳам мумкин, деган тушунча бор. "Аскарлар"ингизга ғамхўрлик қилинг, тамом. "Странжа"даги чек ҳам катта эмас. Улар хафа бўлишни хоҳламайдилар. Жалолов спаррингга чиқади, спарринг шериклар бурни синган ҳолда қайтиб кетишади. 

Тўлқин Қиличев билан гаплашганимизда, у спаррингга жангчиларни рози бўлиши жуда қийинлигини айтди. "Баха" сизга иккита - чуқур ва узоқ вақт қоладиган зарба беради. Шунинг учун ҳеч ким бокс тушишни хоҳламайди. Жароҳат олишдан қўрқишади", - деди Соколов.