02 июн 12:40
Янгиликлар

Бокс/ММА

Котто ва Де Ла Хойя 3 та жанг юзасидан шартнома имзолашди

Профессионал бокснинг 4 та вазн тоифасида собиқ жаҳон чемпиони Мигель Котто (40-5, 33КО) Roc Nation промоутерлик компанияси билан ҳамкорликни тўхтатган эди.

Кеча пуэрторикалик 36 ёшли боксчи Оскар Де Ла Хойяга тегишли Golden Boy Promotions промоутерлик компанияси билан 3 та жанг юзасидан шартнома имзолади.

Маълумот учун, бир пайтлар Нью-Йоркдаги “Мэдисон Сквер Гарден” аренасида Муҳаммадқодир Абдуллаевни мағлуб этган Котто навбатдаги жангини япониялик Йошихиро Камегаига қарши ўтказади.

Ушбу жанг 26 август куни АҚШда ўтказилади ва HBO телеканали орқали тўғридан-тўғри намойиш этилади.