02 фев 12:26
Янгиликлар

Бокс/ММА

Ковалёв Альваресдан енгилроқ чиқди, Иса ҳам тарозига чиқди ФОТО

АҚШда эртанги бокс оқшоми олдидан иштирокчи-боксчиларни тарозидан ўтказиш маросими ташкил этилди.

Оқшомнинг марказий жанги реванш мақомида бўлиб, ярим оғир вазн тоифасида собиқ жаҳон чемпиони россиялик Сергей Ковалёв камарини қайтариб олиш учун амалдаги WBO йўналиши чемпиони колумбиялик Элейдер Альваресга қарши рингга кўтарилади.

Ҳар икки боксчи белгиланган вазн меъёрини бажаришди. Ковалёв 78,9 кг, Альварес эса 79,3 кг тош босди. Ўтган йилнинг август ойида ўтказилган илк жангда Элейдер рақибини еттинчи раундда техник нокаутга учратган эди.

Яна бир қизиқарли жанг россиялик Иса Чаниев ҳамда Ричард Комми ўртасида бўлиб ўтади. Боксчилар енгил вазн тоифасида вакант бўлиб қолган IBF чемпионлик камари учун рингга чиқишади. Чаниев 61 кг, Коммининг эса 60,9 кг вазнга эга эканлиги ойдинлашди.