03 фев 11:51
Янгиликлар

Бокс/ММА

Ковалёв реванш жангида Альваресдан камарини қайтариб олди

Ҳозиргина АҚШнинг Невада штати Фриско шаҳрида кутилган бокс оқшоми якунланди.

Оқшомнинг марказий жанги реванш мақомида бўлиб, ярим оғир вазн тоифасида собиқ жаҳон чемпиони россиялик Сергей Ковалёв камарини қайтариб олиш учун амалдаги WBO йўналиши чемпиони колумбиялик Элейдер Альваресга қарши рингга кўтарилди.

Жанг 12 раунд тўлиқ давом этди ва ғолиб боксчи очколар ҳисобига кўра аниқланди. Раундларнинг каттагина қисмида устунликка эга бўлган Ковалёв ҳакамлар қарорига кўра 116-112, 116-112, 120-108 ҳисобида ғалаба қозониб, WBO чемпионлик камарини қайтариб олди. У ўтган йилнинг август ойида еттинчи раундда техник нокаут эвазига Альваресга имкониятни бой берганди.