23 ноя 09:57
Янгиликлар
Бокс/ММА
Ковалёв ва Шабранский ўзаро кўз уриштиришди
АҚШнинг Нью-Йорк шаҳрида россиялик Сергей Ковалёв ва украиналик Вячеслав Шабранский ўртасидаги чемпионлик жангига бағишланган матбуот анжумани ҳамда боксчиларнинг ўзаро кўз уриштириш маросими бўлиб ўтди.
Профессионал бокснинг ярим оғир вазн тоифасида собиқ жаҳон чемпиони Сергей Ковалёв (30-2-1, 26 КО) ҳамда Вячеслав Шабранский (19-1, 17 КО) ўртасида Андре Уорддан сўнг вакант, яъни эгасиз бўлиб қолган чемпионлик камари учун жанг бўлиб ўтади.
25 ноябрь куни Нью-Йорк шаҳридаги афсонавий Медисон Сквер Гарден аренасида ўтказиладиган жанг олдидан анъанага кўра боксчилар иштирокида матбуот анжумани ҳамда ўзаро кўз уриштириш маросими ташкил этилди.
Эслатиб ўтамиз, Ковалёв айни пайтда ўзбекистонлик мураббий Аброр Турсунпўлатов қўл остида бўлажак чемпионлик жангига тайёргарлик кўряпти. Турсунпўлатов Рио Олимпиадаси чемпиони Фазлиддин Ғоибназаровнинг шахсий мураббийи ҳисобланади.
Ҳавола :
Манба : isport.ua
Фикрлар