22 окт 12:22
Янгиликлар

Теннис

Кремль Кубоги. Гергес мезбон теннисчини енгиб, чемпион бўлди

Россия Федерацияси пойтахти Москва шаҳри мезбонлик қилган теннис бўйича Кремль Кубоги ўз якунига етди.

Соврин жамғармаси 855 308 доллардан иборат WTA Premier тоифасига кирувчи мусобақанинг яккалик баҳслари финал учрашувида турнирнинг еттинчи ракеткаси германиялик Юлия Гергес мезбон теннисчи Дарья Касаткинага қарши кортга чиқди.

Олтмиш олти дақиқа давом этган финал баҳсида дунёнинг 27-ракеткаси ҳисобланган Гергес 6:1, 6:2 ҳисобида зафар қучиб, бош мукофот соҳибасига айланди. Касаткина WTA рейтингида 29-ўринни эгаллаб турибди. Ушбу ғалаба 28 ёшли Гергесга 147 500 доллар мукофот пули ҳамда 470 рейтинг очкосини тақдим этди.