18 фев 12:19
Янгиликлар

Бокс/ММА

Крис Юбанкни мағлуб этган Гроувс WBSS финалига чиқди

Англиянинг Манчестер шаҳрида Бутунжаҳон бокс суперсерияси (WBSS) доирасидаги ярим финал жанги бўлиб ўтди.

Иккинчи ўрта вазн тоифасида ўтказилган баҳсда WBA чемпиони Жорж Гроувс даъвогар боксчи Крис Юбанкка қарши рингга кўтарилди. Ўн икки раундлик жанг якунида Гроувс 117-112, 116-112, 115-113 ҳисобида ғалаба қозонди.

Гроувс чемпионлик камарини ҳимоя қилиш баробарида суперсериянинг финал учрашувига йўл олди. Иккинчи финалчи 24 февраль куни Каллум Смит ва Юрген Бремер ўртасида ўтказиладиган жангдан сўнг маълум бўлади.