Кроуфорд Амир Ханни нокаутга учратди

Оқшомнинг марказий жангида ярим ўрта вазн тоифасида WBO йўналиши чемпиони Теренс Кроуфорд собиқ жаҳон чемпиони Амир Ханга қарши рингга кўтарилди. Ўн икки раундга мўлжалланган жанг тенг ярмида тўхтатилди. 

Биринчи раунднинг ўзида Теренс рақибини нокдаун ҳолатига тушириб қўйди. Лекин британиялик боксчи ўзига келиб олди ва хатто ташаббусни ўз томонига оғдиришга ҳам муваффақ бўлди. Олтинчи раундда Кроуфорд рақибининг белдан паст қисмига зарба берди. Бу вазиятда Ханнинг мураббийи Вержил Хантер шогирди жангни давом эттирмаслигини билдирди. Кроуфорд техник нокаут эвазига камарини ҳимоя қилди.